சண்டை பயிற்சியாளர்களுக்கு அதிர்ச்சி கொடுத்த ஆஸ்கர்

ஆஸ்கர் விருதுக்கான பிரிவில் சண்டை வடிவமைப்பைச் சேர்ப்பதாக தி அகாடமி அறிவித்துள்ளது.

திரைத் துறையில் மிக உயரிய விருதான ஆஸ்கர், ஆண்டுதோறும் பல்வேறு பிரிவுகளின் கீழ் வழங்கப்பட்டு வருகின்றது. சமீபத்தில் நடைபெற்ற 97வது ஆஸ்கர் விருது விழாவில் அனோரா திரைப்படத்துக்கு 5 விருதுகள் வழங்கப்பட்டன.

இந்த நிலையில், ஆஸ்கர் பிரிவுகளின் பட்டியலில் சண்டை வடிவமைப்பு பிரிவைச் சேர்ப்பதாகவும், வருகின்ற 2028ஆம் ஆண்டில் நடைபெறவுள்ள 100-வது ஆஸ்கர் விழாவில் இருந்து விருது வழங்கப்படும் என்றும் தெரிவிக்கப்பட்டுள்ளது.

இதுதொடர்பாக தி அகாடமி வெளியிட்டுள்ள எக்ஸ் பதிவில், ”திரைப்படங்களின் மேஜிக்காக இருக்கும் சண்டை இனி ஆஸ்கரிலும் இருக்கும், 2028-ல் இருந்து சண்டை வடிவமைப்புக்கு விருது வழங்கப்படும். 2027 ஆம் ஆண்டு வெளியாகும் படங்கள் பரிந்துரைக்கு எடுத்துக் கொள்ளப்படும்” எனக் குறிப்பிட்டுள்ளது.