தெலுங்கு திரையுலகில் நடிகர் குளோபல் ஸ்டார் ராம்சரண் சாதனையை நடிகர் நேச்சுரல் ஸ்டார் நானி முறியடித்துள்ளார்.
தெலுங்கில் முன்னணி நடிகராக வலம் வரும், நானி தற்போது ஹிட் -3 படத்தில் நடித்து வருகிறார்.
இயக்குனர் சைலேஷ் கொலானு இயக்கும் இப்படத்தில், கே.ஜி.எப் நடிகை ஸ்ரீநிதி ஷெட்டி கதாநாயகியாக நடித்துள்ளார்.
இப்படத்தின் முதல் இரண்டு பாகங்கள் பெரிய அளவில் ஹிட் அடித்ததைத் தொடர்ந்து மூன்றாம் பாகம் தயாராகி வருகிறது.
பிரசாந்தி திபிர்னேனி தயாரிப்பில் உருவாகும் இப்படம், அடுத்த மாதம் 1-ஆம் தேதி ரிலீஸ் ஆகிறது.
ஆக்ரோஷமான தோற்றத்தில் நானி நடித்துவரும் இப்படத்தின் டிரெய்லர் 14-ஆம் தேதி வெளியானது. ஆக்ஷன் பாணி ரசிகர்களை வெகுவாகக் கவர்ந்துள்ள இந்த டிரெய்லர் வெளியாகி 24 மணி நேரத்தில் 21.31 மில்லியன் பார்வைகளை கடந்துள்ளது.
இதன்மூலம் ராஜமெளலியின் ஆர்.ஆர்.ஆர் பட சாதனையை முறியடித்துள்ளது. இப்படத்தின் டிரெய்லர் 20.45 மில்லியன் பார்வைகளை கடந்திருந்தது குறிப்பிடத்தக்கது.
Leave a Reply