லோகேஷ் கனகராஜ் தயாரிப்பில் ராகவா லாரன்ஸ் நடிக்கும் பென்ஸ் திரைப்படத்தின் படப்பிடிப்பு திங்கள்கிழமை தொடங்கியது.
பாக்கியராஜ் கண்ணன் இயக்கத்தில் ராகவா லாரன்ஸ் அடுத்து நடிக்கும் படம் பென்ஸ். இப்படம் லோகேஷ் சினிமேடிக் யுனிவேர்ஸின் (எல்சியூ) பகுதி என சில மாதங்களுக்கு முன்பு அறிவிக்கப்பட்டது. எல்சியூவில் லோகேஷ் கனகராஜ் இயக்காத முதல் படம் இது.
இப்படத்தின் படப்பிடிப்பு பூஜையுடன் தொடங்கியுள்ளது என்பது தான் சமீபத்திய அறிவிப்பு. பென்ஸ் படத்தின் கதையை லோகேஷ் கனகராஜ் எழுதியுள்ளார். இவரே தயாரிக்கவும் செய்துள்ளார். பல முன்னணி படங்களுக்கு ஒப்பந்தமாகியுள்ள சாய் அபயங்கர், பென்ஸ் மூலம் தான் இசையமைப்பாளராக அறிமுகம் ஆகிறார். பென்ஸ் படத்தின் ஒளிப்பதிவாளர் கௌதம் ஜி. ஃபிலோமின் ராஜ் படத்தொகுப்பாளர். திலிப் சுப்பராயன் சண்டைப் பயிற்சியாளர்.
இதையும் படிக்க
இயக்குநர் பாக்கியராஜ் கண்ணன் இதற்கு முன்பு ரெமோ, சுல்தான் படங்களை இயக்கியுள்ளார். இது அவருடைய மூன்றாவது படம். ராகவா லாரன்ஸ் நடிப்பில் அடுத்து புல்லட், அதிகாரம், துர்கா, கால பைரவா ஆகிய படங்கள் வரவுள்ளன.
பென்ஸ் படத்தின் படப்பிடிப்பு பூஜையுடன் இன்று தொடங்கிய நிலையில், பூஜை தொடர்புடைய காணொளியைப் படக்குழு வெளியிட்டுள்ளது.
Leave a Reply